လက်ပံတန်းမှာ လယ်သမားတွေ ဆန္ဒပြ
 |
| စားကျက်မြေကို အများပိုင်မြေအဖြစ် ပြန်လည်သတ်မှတ်ပေးဖို့ စက်တင်ဘာလ ၁၁ ရက်နေ့က ဒေသခံတွေ လက်ပံတန်းမြို့ပေါ်မှာ ဆန္ဒပြတောင်းဆိုနေစဉ်။ Photo: U Zaw Win |
စားကျက်မြေတွေမှာ ၀င်ရောက်လုပ်ကိုင်ခဲ့တဲ့ လယ်သမားတချို့က ပုဂ္ဂလိကုမ္ပဏီ တစ်ခုကို ရွာကလူတွေကို အသိမပေးဘဲ ရောင်းချလိုက်တဲ့အတွက် ရွာမြေအဖြစ် ပြန်သတ်မှတ်ပေးဖို့ တောင်းဆိုတာလို့ ဆန္ဒပြပွဲဦးဆောင်သူ ဒေသခံ ဦးဇော်ဝင်း က ပြောပါတယ်။
"သက်ဆိုင်ရာဌာနအသီးသီးက တာဝန်ရှိပုဂ္ဂိုလ်တွေက ခွဲဝေပြီးတော့ ဒီလယ်သမား ၁၃ ဦးကို လယ်လုပ်ပိုင်ခွင့် ပေးပြီးတော့ သီးစားနဲ့ ပြန်ချထားတာပါ၊ အဲ့ဒီ ၁၃ ဦးကနေ ပြီးတော့ ကုမ္ပဏီတစ်ခုကို လက်လွှဲပြီးတော့ ရွာကလူတွေကိုမသိဘဲနဲ့ သူတို့ချင်း တိတ်တဆိတ် ၁ ဧကကို ၁၂ သိန်းနှုန်း နဲ့ ရောင်းလိုက်ကြတာပါ။" လို့ ဦးဇော်ဝင်း က ပြောတာဖြစ်ပါတယ်။
အဲ့ဒီလယ်သမား ၁၃ ဦးဟာ ၁၉၉၀ ခုနှစ်လောက်ကစပြီး အဲ့ဒီစားကျက်မြေတွေပေါ်မှာ သီးစားအနေနဲ့ လုပ်ကိုင်နေရာကနေ ၂၀၁၄ ခုနှစ်မှာ ကုမ္ပဏီတစ်ခု ကို ရောင်းစားလိုက်တာ ဖြစ်တယ်လို့ ဦးဇော်ဝင်း က ပြောပါတယ်။
အဲ့ဒီစားကျက်မြေတွေ ပြန်လည်ရရှိဖို့ အရင်အစိုးရလက်ထက်က လက်မှတ်ရေးထိုးပြီး တင်ပြခဲ့ပေမယ့် ဖြေရှင်းပေးခဲ့တာမရှိတဲ့အတွက် အစိုးရသစ်လက်ထက်မှာ ပထမဆုံး အကြိမ်ဆန္ဒပြတောင်းဆိုတာဖြစ်တယ်လို့လည်း ဆန္ဒပြသူတွေက ပြောပါတယ်။
မန်ကျည်းကွင်းကျေးရွာအုပ်စု ရွှေဘိုစု၊ ဂရံစံပြ၊ မန်ကျည်းကွင်း အနောက်စု၊ မန်ကျည်းကွင်း အရှေ့စု၊ မန်ကျည်းကွင်း၊ အုန်းကုန်း စတဲ့ ကျေးရွာ ၇ ရွာက ပိုင်တဲ့ အဲ့ဒီစားကျက်မြေတွေဟာ လက်ရှိမှာ ကုမ္ပဏီက စပါးစိုက်ပျိုးထားပါတယ်။
RFA Burmese
Labels
ပြည်တွင်းသတင်း
Post A Comment
No comments :