အမျိုးသမီးသုံးဦး ရေနစ်သေဆုံးမှု
 |
အမျိုးသမီးသုံးဦး ရေနစ်သေဆုံးမှု စစ်ကိုင်းမြို့နယ် အုန္နဲပင်ကျေးရွာ အရှေ့ဖက်ကျေးရွာေ သာက်သုံးရေကန်တွင် ရေခတ်လာစဉ်ဖြစ်ပွား
|
စစ်ကိုင်းမြို့နယ် အုန္နဲပင်ကျေးရွာ အရှေ့ဖက်ကျေးရွာ သုံးသောက်သုံးရေကန်တွင် အမျိုးသမီးသုံးဦး ရေနစ်သေဆုံးကြောင်း သတင်းအရ ဆားတောင်နယ်မြေရဲစခန်းမှ ရဲအုပ်စိုးဝင်းနှင့်အဖွဲ့သည် သက်သေများနှင့်အတူ အခင်းဖြစ်နေရာသို့ သွားရောက်စစ်ဆေးခဲ့ ရာသေဆုံးသူမှာအုန္နဲပင်ကျေးရွာနေအသက်၂၅နှစ်အရွယ် မခင်သက်ဝါ၊ အသက်၁၈နှစ်အရွယ် မဇင်မာဝင်းနှင့် မခင်သက်ဝါ၏သမီးဖြစ်သူ ၅နှစ်အရွယ် မဆုရတီဦးတို့ ဖြစ်ကြောင်း သိရသည်။
၎င်းတို့သုံးဦးသည်ကျေးရွာသောက်သုံးရေကန်သို့နွားလှည်းဖြင့်ရေသွားခတ်စဉ်ကန်ဘောင်ပေါ်တွင်နွားလှည်းရပ်ထားကာ၅နှစ်သမီးမဆုရတီဦးကိုနွားလှည်းပေါ်တင်ထားပြီးသောက်ရေခတ်နေစဉ်နွားမှာလန့်၍ရေကန်အတွင်းဆင်းပြေးရာ၅နှစ်သမီးမှာနွား လှည်းနှင့်အတူပါသွားသဖြင့်မခင်သက်ဝါနှင့်ညီမဖြစ်သူမဇင်မာဝင်းတို့ညီအစ်မနှစ်ဦးကရေကန်ထဲသို့ဆင်းဆယ်ယူနေစဉ်၅နှစ်သမီးနှင့်အတူ ရေနစ်သေဆုံးခဲ့ရခြင်း ဖြစ်ကြောင်း သိရသည်။
ပြင်ပဒါဏ်ရာမတွေ့ရှိဘဲ ရေနစ်သေဆုံးသည့် လက္ခဏာဖြင့် သေဆုံးနေသည်ကိုတွေ့ရ၍ ဓမ္မတာအတိုင်းသေဆုံးခြင်း ဟုတ်မဟုတ် စစ်ဆေးပေးပါရန် ဒီဇင်ဘာလ၃ရက်နေ့ ၁၁နာရီ၄၅မိနစ်က ရဲအုပ်စိုးဝင်းမှ တရားလိုအမှုစစ်ပြုလုပ်၍ ဆား တောင်နယ်မြေ ရဲစခန်းသေမှုသေခင်းအမှတ်စဉ်(၄/၂၀၁၆)ဖြင့် အမှုရေးဖွင့်ကာ စုံစမ်းစစ်ဆေးဆောင်ရွက် လျက်ရှိကြောင်း သိရသည်။
မျိုးဝင်းထွန်း မုံရွာ
Myanmaalinn
REF News မှသတင်းများကိုမိတ်ဆွေတို့၏Mobile Phone တွင်လွယ်ကူစွာဖတ်ရှု့နိုင်ဖို့
REF News Apkကို Download ရယူလိုက်ပါ။
Labels
မှု့ခင်းသတင်း
Post A Comment
No comments :