Fidel Castro ရဲ့ နောက်ဆုံးခရီး
 |
| ကျူးဘားသမ္မတက Fidel Castro ရဲ့ နောက်ဆုံး ခရီး ကိုပို့ဆောင် |
ဆန်ဒီရေဂို ဒီ ကူးဘားမြို့က Ifigenia သင်္ချိုင်းမှာ ကျင်းပတဲ့ ဈာပန အခမ်းနားကို နောက်ဆုံး အချိန်ရောက်မှ သီးသန့် အခမ်းအနား အဖြစ် ပြုလုပ်ခဲ့ပြီး သူ့ဈာပန ကို သတင်းရယူဖို့ ရောက်ရှိနေကြတဲ့ ကမ္ဘာတလွှားက သတင်းထောက်တွေကို ၀င်ရောက်ခွင့် မပေးခဲ့ပါဘူး။
ချီးမွမ်းမှုတွေရော ၊ ဝေဖန်မှုတွေရော ရရှိခဲ့တဲ့ အသက် ၉၀ အရွယ် ကျူးဘားခေါင်းဆောင် Fidel Castro ဟာ နာတာရှည် မကျန်းမမာ ဖြစ်ခဲ့ပြီး ပြီးခဲ့တဲ့ နိုဝင်ဘာလ ၂၅ ရက်နေ့က ကွယ်လွန်ခဲ့တာ ဖြစ်ပါတယ်။
၁၉၅၃ ခုနှစ်က ကျူးဘား တော်လှန်ရေးကို စတင်ခဲ့ရာ ဆန်တီရေဂို ဒီ ကူးဘားမြို့ကို Castro ရဲ့ အရိုးပြာ စနေနေ့ နေ့လည်ပိုင်းမှာ ရောက်ရှိခဲ့တာပါ။ သူ့ရဲ့ အရိုးပြာကိုတော့ ၁၉၅၉ ခုနှစ် ကျူးဘားမြို့တော် ဟာဗားနားကို တက်သိမ်းဖို့ အတွက် ရဲဘော်ရဲဘက် သူပုန် တော်လှန်ရေး သမားတွေနဲ့ Sierra Maestra တောင်တန်းတွေကနေ ချီတက်လာရာ လမ်းကြောင်းရဲ့ ပြောင်းပြန် အတိုင်း ပြန်ပြီး သယ်ဆောင် ခဲ့တာ ဖြစ်ပါတယ်။
ဗွီအိုအေ (မြန်မာပိုင်း)
REF News မှသတင်းများကိုမိတ်ဆွေတို့၏Mobile Phone တွင်လွယ်ကူစွာဖတ်ရှု့နိုင်ဖို့
REF News Apkကို Download ရယူလိုက်ပါ။
Labels
နိုင်ငံတကာသတင်း
Post A Comment
No comments :