SUZUKI CUP 2016 ဆီမီးဖိုင်နယ်ဘောလုံးပွဲစဉ်တွင် လက်မှတ်များကို အမြတ်တင်၍ မှောင်ခိုရာင်းချသူများနှင့် ဓားလက်နက်များ သယ်ဆောင်သူများကို အမှုဖွင့်အရေးယူ

SUZUKI CUP 2016 ဆီမီးဖိုင်နယ်ဘောလုံးပွဲစဉ်တွင် ဆူပူရမ်းကားသူများအား သတိပေးဆုံးမပြီး လက်မှတ်များကို အမြတ်တင်၍ မှောင်ခိုရာင်းချသူများနှင့် ဓားလက်နက်များ သယ်ဆောင်သူများကို အမှုဖွင့်အရေးယူ

ရန်ကုန်၊ ဒီဇင်ဘာ ၅

၎.၁၂.၂၀၁၆ ရက်နေ့ ၁၈၀၀ အချိန်တွင် သင်္ဃန်းကျွန်းမြို့နယ်၊ သုဝဏ္ဏလူငယ် အားကစားလေ့ကျင့်ရေး စခန်းဘောလုံးကွင်း၌ SUZUKI CUP 2016 ဆီမီးဖိုင်နယ်ပွဲစဉ်အဖြစ် မြန်မာနိုင်ငံလက်ရွေးစင် ဘောလုံးအသင်းနှင့် ထိုင်းနိုင်ငံ လက်ရွေးစင်ဘောလုံးအသင်းတို့ ယှဉ်ပြိုင်ကစားသည့်ပွဲ၌ သင်္ဃန်းကျွန်းမြို့နယ်နေ ဇော်လတ်ပါ ကျား(၅)ဦး၊ မ(၃)ဦးတို့မှ ဘောလုံးပွဲ လက်မှတ်များကို အမြတ်တင်၍ မှောင်ခိုရောင်းချခဲ့ကြသဖြင့် သင်္ဃန်းကျွန်းမြို့မရဲစခန်းတွင် ရန်ကုန်ရဲအက်ဥပဒေပုဒ်မ-၄၁(၁၄)/ ၄၁(၁၆) ဖြင့် အရေးယူ ဆောင်ရွက်ခဲ့ရာ ၅.၁၂.၂၀၁၆ ရက်နေ့တွင် သင်္ဃန်းကျွန်းမြို့နယ်တရားရုံးမှ ထောင်ဒဏ်(၇)ရက်စီ အသီးသီးပြစ်ဒဏ်ချမှတ်ခဲ့ပါသည်။

ဘောလုံးပွဲကစားစဉ်အချိန်၌လည်း ဆူပူရမ်းကားမှုများပြုလုပ်ခဲ့သည့် ကြည့်မြင်တိုင်မြို့နယ်နေ ရာဇာပါ(၂၄)ဦးတို့အား ၂၁၀၀ အချိန်တွင် အရှေ့ပိုင်းခရိုင်ရဲတပ်ဖွဲ့မှူးမှ သင်္ဃန်းကျွန်းမြို့နယ်၊ သုဝဏ္ဏနယ်မြေရဲစခန်းတွင် တွေ့ဆုံ၍ ဆုံးမစကားပြောကြားခဲ့ပြီး ၎င်းတို့အား မိဘအုပ်ထိန်းသူ
၂ ဦးစီဖြင့် ခံဝန်ပြုလုပ်၍ အုပ်ထိန်းသူများထံ စနစ်တကျပြန်လည်လွှဲပြောင်း အပ်နှံပေးခဲ့ကြောင်း သိရှိရပါသည်။

အဆိုပါဘောလုံးပြိုင်ပွဲပြီးဆုံးသည့် ၁၉၅၀ အချိန်တွင် ဘောလုံးကွင်းလုံခြုံရေး တာဝန်ကျတပ်ဖွဲ့ဝင်များမှ ဘောလုံးကွင်း Main Gate အ၀င်ပေါက်တွင် ကိုယ်ပိုင်ယာဉ်ဖြင့် တုတ်၊ ဓားလက်နက်များ သယ် ဆောင်လာကြောင်း သတင်းအရ ၎င်းဂိတ်အနီးတွေ့ရှိသော 9C---- Crown ကိုယ်ပိုင်ယာဉ်အား စစ်ဆေးရှာဖွေရာ ယာဉ်ပေါ်တွင် စမ်းချောင်းမြို့နယ်နေသူများဖြစ်သည့် ယာဉ်မောင်း ဦးဝင်းနိုင်၊ (၅၅)နှစ်၊ ဝေဖြိုးဦး၊ (၂၁)နှစ်၊ ထက်အောင်လှိုင်၊ (၂၁)နှစ်၊ လှမင်းထွန်း၊ (၂၀)နှစ်၊ ရန်နောင်ထွန်း၊ (၁၉)နှစ်နှင့် စည်သူ(ခ) စည်သူအောင်၊ (၂၆)နှစ်တို့အားတွေ့ရှိရပြီး ယာဉ်အတွင်းမှ အရိုးအသွား (၁၂)လက်မခန့်ရှိ ဓားဦးချွန် ၁ ချောင်းနှင့် ဓားအိမ် ၁ခု၊ အရိုးအသွား(၈)လက်မ ခန့်ရှိဓားဦးချွန် ၁ ချောင်း၊ လေးခွ ၁ လက်၊ လောက်စာလုံး(၂၉)လုံးတို့အား တွေ့ရှိသိမ်းဆည်းရမိသဖြင့် ၎င်းတို့အား သင်္ဃန်းကျွန်းမြို့မရဲစခန်း (ပ)၁၂၆၂/၂၀၁၆၊ လက်နက်အက်ဥပဒေပုဒ်မ-၁၉(င)ဖြင့် အမှုဖွင့်အရေးယူ ဆောင်ရွက်လျက်ရှိကြောင်း သတင်းရရှိပါသည်။

Yangon Police

REF News မှသတင်းများကိုမိတ်ဆွေတို့၏Mobile Phone တွင်လွယ်ကူစွာဖတ်ရှု့နိုင်ဖို့
REF News Apkကို Download ရယူလိုက်ပါ။

Newer Post Older Post